الشّاعر عبد القادر بن الشّرع الشعنبي
هو الشّيخ الشّرع عبد القادر بن بحّوص بن محمّد بن مولاي، ولد سنة 1865 بمدينة متليلي الشّعانبة وكان راعيا للغنم في وسط أسرة متوسّطة الحال، حافظا للقرآن الكريم، وله تسعة أولاد وكان من أهمّ رفاقه أحمد السّلخ، وبندارة سليمان، وكان على صلة بالمرابطين بمتليلي.
ترك الكثير من الأشعار، وتوفي سنة 1949 ودفن بشعبة النص التي تبعد حوالي 15كلم عن مدينة متليلي الشّعانبة، وبنفس المسافة عن مدينة غرداية، وبهذه الشّعبة جبٌّ سمِّي بحاسي الشّرع نسبة إليه، وقد اشتهر بقصيدته في الحكمة، الّتي يحفظها الكثير من سكان المنطقة لما تحمله بين جنباتها عن خبرة في الحياة، وحسن في المعاملة، والمعنونة بـ تفقّد يا بن الشرع ما درت قبيل
تفقّد يا بن الشرع ما درت قبيل
تفقّد يا بن الشرع ما درت قبيل *** قرك ابليس تحسب الحال يطوّلالدنيا شوف حالها فارح وحزين *** و اذا طال الحال مولاه يقفّل
مول الخميس عام كيف كيف يكون اهبيل*** إلا دار الحساب يلق الّنص اكمل
الزرع إلا طاب ما يرجعش قصيل*** مولاه لاّ يهنّد سنان المنجل
ونّي قبل السّحاب لا يدّيك السّيل*** ميّز قبل لحطوط و اعرف كي تنزل
الدّنيا مثّلتها في دار مقيل *** إذا صد الخيال للقبلة عوّل
حتّى خطّار ماقدات بغير عويل *** عوّل في الزّاد والطّريق على الاوّل
لا تعجل لا تخف دير على التّمهيل *** و اللّي صيّاد يعرف بلاد المختل
إلا كذّبتني شوف لجبال *** كذا من مات قبل لاّ يوصل
اللّي ابقا ركوب المهارى و الخيل*** و إذا صدو رفاقتك منهم بطّل
اللّي مايطرّبش الضّيف كيما دار بخيل *** الشّيعة للطعام والضّحك يعدّل
السّاخي لوكان في بر الويل *** من بعدن ايموت ذكرو ما يبطل
واللّي بقى الزواج يتبّع عرق الصّيل *** و إذا خص من الشباب الافعال تكمّل
بنت الخيمة ترجلك لو كنت ذليل *** بعيني شفت تقلب الزّوزال فحل
كي المسك اللّي ذخروا ياسر و قليل *** من بعدن يقدم ريحتوا ما تتبدّل
بنت العشّة تسقّم رحلها و يميل *** تمشط قزلها مليح و يتخبّل
بعدن تعبر بالوفا تنقص في الكيل*** كي تخرج لضياف وجهك يذّبل
كان قهرتها تقرقك في واد الويل *** النّاس تزيد في لعقل و انت تهبل
ماعندك ما دفعت فيها ياقليل *** طلّقها لوكان بعشرين طفل
بلاد الخوف ادجفّل عربها في اللّيل *** ما ترعهاش لوكان بالعشب تقدّل